జనం న్యూస్: ఇరాన్ ప్రతిపాదించిన ప్రతిపాదనపై ట్రంప్ స్పందించాడు.ఇరాన్ ఒక చెప్పుకోదగ్గ ప్రతిపాదనను ముందుంచిందని, అది అంత గొప్పగా లేకపోయినప్పటికీ. ఈ ప్రతిపాదన మాత్రం చెప్పుకోదగ్గదేనని, ఇరాన్ కి మంగళవారం వరకు మాత్రమే ఒప్పందం చేసుకోవడానికి సమయం మిగిలి ఉందని పునరుద్ఘాటించాడు. ఇరాన్ ప్రతిపాదించిన ప్రతిపాదనపై ట్రంప్ స్పందించాడు.ఇరాన్ ఒక చెప్పుకోదగ్గ ప్రతిపాదనను ముందుంచిందని, అది అంత గొప్పగా లేకపోయినప్పటికీ… ఈ ప్రతిపాదన మాత్రం చెప్పుకోదగ్గదేనని, ఇరాన్ కి మంగళవారం వరకు మాత్రమే ఒప్పందం చేసుకోవడానికి సమయం మిగిలి ఉందని పునరుద్ఘాటించాడు. ఇరాన్, అమెరికా, ఇజ్రాయిల్ మధ్య ఉద్రిక్తతలు భారీగా పెరుగుతున్న నేపథ్యంలో ప్రస్తుతం మరొక తాజా పరిణామం చోటుచేసుకుంది. అమెరికా మద్దతు, అలాగే పాకిస్తాన్ మధ్యవర్తిత్వం విషయంలో తాజాగా కాల్పుల విరమణ ప్రతిపాదనపై ఇరాన్ అధికారిక స్పందన తెలిపింది. అయితే ఈ తాత్కాలిక కాల్పుల విరమణను పూర్తిగా తిరస్కరిస్తున్నామని, శాశ్వత శాంతి ఒప్పందం తప్ప మరొక సూచన ఏది చేసినా అంగీకరించబోమని ఒక స్పష్టమైన సందేశాన్ని ప్రకటించింది. ఈ ప్రతిపాదన ప్రధాన ఉద్దేశం ప్రాంతీయ ఉద్రిక్తతలను తగ్గించడంతో పాటు ప్రపంచ ఇంధన సరఫరాకు అత్యంత కీలకమైన స్ట్రైట్ ఆఫ్ హార్ముజ్ను తిరిగి తెరవడమే లక్ష్యంగా ‘ఇస్లామాబాద్ అకార్డ్’ పేరిట ముందుకు వచ్చింది. అయితే ఇరాన్ మాత్రం ఈ తాత్కాలిక ఒప్పందాలను ఎట్టి పరిస్థితుల్లోనూ ఒప్పుకునేది లేదని కఠిన వైఖరి ప్రదర్శించింది. అయితే ఇరాన్ పది కీలకమైన షరతులను ముందుకు ఉంచింది. అంతర్జాతీయ మీడియాలో ఈ పది షరతులు పెద్ద ఎత్తున ప్రచారం అవుతున్నాయి. ఆ ముఖ్యమైన పది డిమాండ్లు ఏంటో ఇప్పుడు మనం తెలుసుకుందాం. . శాశ్వతంగా యుద్ధం ముగింపు. తాత్కాలిక కాల్పుల విరమణకు నో చెప్పడం. ప్రాంతీయ ఉద్రిక్తతలు తగ్గించడం. ఇందులో భాగంగా లెబనాన్, సిరియా, ఇరాక్ వంటి ప్రాంతాల్లో ఇరాన్కు సంబంధించిన గ్రూపులపై జరుగుతున్న దాడులను ఆపాలి. భవిష్యత్తులో ఇరాన్పై దాడులు జరగకుండా అంతర్జాతీయ స్థాయిలో భద్రత హామీ ఇవ్వాల్సి ఉంటుంది. స్ట్రైట్ ఆఫ్ హార్ముజ్ ఒప్పందం. ప్రపంచానికి అత్యంత కీలకమైన ఈ సముద్ర మార్గంలో సురక్షితమైన రవాణా, కోసం ప్రత్యేక ఒప్పందం చేసుకోవాలని, అందులో ఇరాన్ పాత్రను గుర్తించాలని ప్రతిపాదించింది. అమెరికా, అలాగే దాని అనుబంధ దేశాలు ఇరాన్పై విధించిన ఆర్థిక ఆంక్షలను వెంటనే తొలగించాలని డిమాండ్ చేసింది. విదేశాల్లో నిల్వ ఉన్న ఇరాన్ నిధులను వెంటనే విడుదల చేయాలని పేర్కొంది. యుద్ధంలో ఇరాన్కు కలిగిన నష్టాన్ని గుర్తించి వెంటనే అంతర్జాతీయ సహాయం అందించాలని డిమాండ్ చేసింది. ఇరాన్ భూభాగ సమగ్రత, అలాగే రాజకీయ స్వాతంత్ర్యాన్ని అధికారికంగా గుర్తించాలని, అంతర్గత వ్యవహారాల్లో జోక్యం చేసుకోకూడదని డిమాండ్ చేసింది.
